Филиали ШС «Инновейтив Роуд Солюшнз ЛТД» дар Ҷумҳурии Тоҷикистон ширкати байналмилалие мебошад, ки дар тамоми қаламрави Осиёи Марказӣ аз аввалинҳо шуда, бо истифода аз усулҳои инноватсионӣ, бо мақсади рушди устувор ва такмили инфрасохтори роҳ ва бо такя ба ҳайати кормандони соҳибтахассусу пуртаҷрибаи худ механизми толлингиро ҷорӣ намуд. Ба боварии мо, он мушкилоте, ки бахши давлатӣ дар ин соҳа бо онҳо рў ба рў мешавад, тадриҷан ва бомуваффақият тариқи татбиқи механизми толлингӣ дар роҳҳои дигари кишвар бартараф карда мешаванд.
Гузашта аз ин, бо таваҷҷўҳ ба ҳолати ҷуғрофии мавҷуда ва вижагиҳои робитаҳои байнидавлатӣ дар кишваре, ки қисми асосии онро кўҳҳои баланд иҳота кардаанд ва дорои хати ҳаракати мушкилгузару дастрасии маҳдуд ба воситаҳои дигари интиқол, механизми мазкур саривақтӣ ва ниҳоят муҳим мебошад. Итминони комил дорем, ки механизми ҷорикардаи мо, барои беҳтар шудани инфрасохтори роҳи автомобилгарди кишвар ва боло бурдани сатҳи зиндагии аҳолӣ мусоидат менамояд.
Ногуфта пайдост, ки роҳи Душанбе – Чанок бинобар аз минтақаи нисбатан зиёдатар осебпазир аз офатҳои табиӣ гузаштан махсусиятҳои худро дорад. Ҳарчанд дар паҳноиҳо бориши барф охири моҳи январ шурӯъ гардид, вале дар масири роҳи мавриди назар аз шашуми октябри соли гузашта оғоз шуда буд. Месазад аз он ёдовар шавем, ки дар давоми фаъолияти зиёда аз 10-солаи филиали Ширкат 9 корманди он ҳангоми иҷрои рисолат зери тарма монда, ҳалок шуданд. ... [бештар]
Ҳавошиносон мегӯянд, захираҳои барф дар кӯҳҳои Тоҷикистон имсол ба ҳадде зиёд шуд, ки дар 14 соли ахир дида нашудааст. Бориши барфи зиёд барои Тоҷикистон, ки саргаҳи аслии об дар тамоми Осиёи Марказӣ ба ҳисоб меравад, фавқуллода муҳим аст, ҳарчанд фалокату хисороти зиёдеро дар пай дорад. Абдуёқуб Шоев, муовини сардори Маркази яхшиносӣ дар Оҷонсии обуҳавосанҷӣ дар Тоҷикистон рӯзи 18-уми феврал дар суҳбат бо Радиои Озодӣ гуфт, дар Майхура, дар куҳҳои Варзоб ва начандон дур аз Душанбе барф аз 2 метр ҳам баланд аст.”... [бештар]
Тавре қаблан иттилоъ дода будем, субҳи имрӯз бинобар шадид ва беист будани бориши барф ва бениҳоят зиёд будани хавфи тармафароӣ дар асоси муқаррароти Фармоиши якҷояи вазоратҳои корҳои дохилӣ ва нақлиёти мамлакат ҳаракати ҳама намуди воситаҳои нақлиёт аз километри 47 - уми роҳи автомобилгарди Душанбе-Чаноқ ба самти Хуҷанд ва аз километри 81- ум ҷониби Душанбе муваққатан боздошта шуд. Бамаврид аст зикр созем, ки ҳаракати воситаҳои нақлиёт аз шаҳри Хуҷанд ба шаҳри Паҷакент ва навоҳии Айнӣ ва Кӯҳистони Мастчоҳ таъмин аст.... [бештар]
